Мемлекеттік қызметтер көрсету мәселелерін үйлестіру бөлімінің 2017 жылы көрсетілген мемлекеттік қызметтердің қорытындысы

Мәртөк ауданының жергілікті атқарушы органдарының мемлекеттік қызметтер көрсету мәселелері бойынша 2017 жылғы қызметі туралы
Аудандық жергілікті атқарушы органдар Қазақстан Республикасының 2013 жылғы 15 сәуірдегі «Мемлекеттік көрсетілетін қызметтер туралы» Заңына сүйене отырып мемлекеттік қызметтер көрсетеді. ҚР Үкіметінің 2013 жылғы 18 қыркүйектегі №983 қаулысымен бекітілген жаңа мемлекеттік қызметтер тізіліміне сәйкес мемлекеттік қызметтердің 709 түрі болса, оның ішінде Мәртөк ауданының жергілікті атқарушы органдарымен мемлекеттік қызметтердің 108 түрі көрсетіледі.(2016 жылы 94 түрі)
2017 жылдың 12 ай қорытындысы бойынша Мәртөк ауданының жергілікті атқарушы органдарымен 59562 мемлекеттік қызмет, 2016 жылдың 12 айында 45074 қызмет көрсетілген. 2016 жылмен салыстырғанда , 2017 жылғы көрсетілген қызметтер саны 1,2 есе өсен.
Атап айтар болсақ:
- Мемлекеттік органда қағаз түрінде көрсетілген мемлекеттік қызметтердің саны - 5219
- «ЭҮП» және (немесе) Мемлекеттік корпорация арқылы (ХҚКО) арқылы көрсетудің мүмкіндігі бар, яғни баламалы мемлекеттік қызметтердің мемлекеттік органда қағаз түрінде көрсетілген қызметтердің саны - 31059 (Ауыл шаруашылығы жануарларын ветеринариялық паспорт бере отырып бірдейлендіруді жүргізу -25002- 76%)
- Мемлекеттік корпорация арқылы(ХҚКО) арқылы көрсетілген мемлекеттік қызметтердің саны - 7157.
- Электрондық түрде көрсетілген мемлекеттік қызметтердің саны - 16167 (83,6 %) 2016 жылы бұл көрсеткіш 63 % орындалды. . Бұл, «Ақтөбе облысы жергілікті атқарушы органдарының 2017 жылға арналған көрсетілетін мемлекеттік қызметтер сапасын жақсарту бойынша іс-шаралар жоспарының» (бұдан әрі – облыс жоспары) электрондық форматта көрсетілген мемлекеттік қызметтер тұтынушыларының үлесін 60%-ға жеткізу 9-тармағынын орындалғанын көрсетеді.
Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 8 желтоқсандағы № 78 бұйрығына сәйкес, жыл басында мемлекеттік қызметтер көрсету сапасын бақылау іс-шаралар жоспары бекітіліп, 86 /100%/ мемлекеттік мекеме мен ведомствалық бағынысты мекемелерге ішкі бақылау жұмыстары жүргізу жоспарланған болатын.
Қазіргі таңға жоспарға сәйкес 85 мекемеге ішкі бақылау жұмыстары жүргізілді. Қорытындысы бойынша 88 заңбұзушылық анықталып, заңбұзушылықтарды жою туралы ұсыныстар жолданды. Бүгінгі күнге анықталған заңбұзушылықтар жойылды.
Анықталған заң бұзушылықтарға жол берген 7 қызметкер тәртіптік жауапкершілікке тартылды.
2017 жылдың қорытындысы бойынша мемлекеттік көрсетілетін қызметтер мерзімдерінің сақталмау 2 фактісі ішкі бақылау мониторингсінен анықталып тұр (аудандық ауылшаруашылығы және аудандық жұмыспен қамту және әлеуметтік бағдарламалар бөлімі). Аталған кемшіліктерді алдағы уақытта болдырмау мақсатында бөліммен іс шаралар жоспары бекітіліп жұмыстар жүргізілуде. 2016 жылы 6 мемлекеттік қызмет мерзімі бұзылып көрсетіліп, 4 лауазымды тұлға тәртіптік жауапкершілікке тартылған болатын.
Бұл өз ретінде мемлекеттік қызметтерді көрсету сапасын арттыру мақсатында жүргізіліп жатқан түсіндірме іс-шараларының нәтижесі деп айтуға болады. 2017 жылдың басынан бұл бағытта 25 семинар-кеңес, "Ашық есік " күндері ұйымдастырылып, жалпы саны 600 адам қамтылды. Тұрақты түрде Мәртөк тынысы газетіне және аудан әкімдігінің ресми сайтында мақалалар жарияланып тұрады. Мемлекеттік қызмет алушылардың құқықтарын түсіндіру мақсатында аудан орталығында 2 баннер орнатылды.
Сонымен қатар, мемлекеттік қызмет алушыларды ақпаратпен толыққанды қамту мақсатында "Қазпошта" АҚ Мәртөк аудандық филиалы арқылы жергілікті газет беттеріне мемлекеттік қызметтерді алушылардың құқықтары, шағымдану тәртібі және т.б ақпараттар жазылған брошюралар салынып, оқырмандарға тарату үрдісі жолға қойылған. Әлеуметтік желілер арқылы да түсіндіру іс-шаралары ұйымдастырылуда.
Ағымдағы жылдың басынан 12 мемлекеттік қызметкер мемлекеттік көрсетілетін қызметтер бойынша біліктілікті арттыру курстарынан өтті.