Жұмыспен қамту және әлеуметтік бағдарламалар

2017 жылы халықты әлеуметтік тұрғыдан қорғау.
/есепті кезең 1 тоқсан 2017 жыл./
1.Халықты жұмыспен қамту жұмыстары.
Мәртөк ауданы бойынша 2017 жылдың 1 тоқсанына «Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасы» шеңберінде төмендегідей жұмыстар атқарылды:
Бағдарламаның 1-ші бағыты «Бағдарламаға қатысушыларды техникалық және кәсіптік біліммен және қысқа мерзімді кәсіптік оқумен қамтамасыз ету» мынадай міндеттерді іске асыруды көздейді:
1) еңбек нарығының қажеттіліктерін ескере отырып, техникалық және кәсіптік білімі бар кадрларды даярлау;
2) жұмысшы кадрларды еңбек нарығында сұранысқа ие кәсіптер және дағдылар бойынша қысқа мерзімді кәсіптік оқыту.
Бағдарламаның бірінші бағытының операторы Қазақстан Республикасының Білім және ғылым министрлігі болып табылады.
Осы бағытта аудан бойынша 2017 жылы техникалық және кәсіби оқытуға 61 адам және жұмысшы кадрларды еңбек нарығында сұранысқа ие кәсіптер және дағдылар бойынша қысқа мерзімді кәсіптік оқуға-40 адам жоспарлануда.
Есепті кезеңге техникалық және кәсіби оқулар қыркүйек айында басталады, қысқа мерзімді оқулар басталған жоқ, әлеуетті қатысушылар дайын.
Екінші бағыт: жаппай кәсіпкерлікті дамыту
Бағдарламаның екінші бағыты «Жаппай кәсіпкерлікті дамыту» мынадай міндеттерді іске асыруды көздейді:
1) "Бастау Бизнес" жобасы бойынша кәсіпкерлік негіздеріне оқыту;
2) кәсіпкерлік бастамаларды қолдау;
3) қалалар мен ауылдарда микрокредиттерге кепілдік беру.
"Бастау Бизнес" жобасын іске асыру және қалаларда микрокредит беру мәселелері бойынша – Қазақстан Республикасының Ұлттық экономика министрлігі және ауылдар мен шағын қалаларда 2018 жылдан бастап "Бастау Бизнес" жобасын іске асыру және микрокредит беру мәселелері бойынша – Қазақстан Республикасының Ауыл шаруашылығы министрлігі Бағдарламаның екінші бағытының операторлары болып табылады.
Бағдарламаның үшінші бағыты « Халықты жұмыспен қамтуға жәрдемдесу және еңбек ресурстарының ұтқырлығы арқылы еңбек нарығын дамыту» мынадай міндеттерді іске асыруды көздейді:
1) жұмыссыз және өзін-өзі жұмыспен қамтығандарды жұмыспен қамтамасыз етуге жәрдемдесу;
2) еңбек ресурстарының ұтқырлығын арттыру;
3) жұмысқа орналастыру бойынша бірыңғай цифрлық алаң құру.
Қазақстан Республикасының Денсаулық сақтау және әлеуметтік даму министрлігі Бағдарламаның үшінші бағытының операторы болып табылады.
Мәртөк ауданының жұмыспен қамту орталығына жыл басынан 287 жұмыссыз азамат жұмыспен қамту сұрақтары бойынша жүгінді.
264 адам жұмыспен қамтудың белсенді шараларымен қамтылды, оның ішінде:
- Жұмыспен қамтылды-56 адам
- әлеуметтік жұмыс орындарына- 47 адам
- жастар тәжірибесіне-52 адам,
- қоғамдық жұмыстарға – 109 адам
2017 жылдың 1 сәуіріне 42 жұмыссыз есепте тұр, немесе бекітілген жұмыссыздық деңгейі 0,2 құрады.
2.Әлеуметтік көмек көрсету жұмыстары.
2017 жылдың 1 тоқсанда аудан бойынша отбасының жиынтық табысы белгіленген күнкөріс деңгейінен төмен тұратын аз қамтылған азаматтары мемлекеттік атаулы әлеуметтік көмек алуға өтініш жасаған жоқ.
Табыстары азық-түлік себетінің құнынан төмен 357 отбасының құрамындағы 18 жасқа дейінгі 963 балаға 6875,5 мың теңге жәрдемақы тағайындалып, төленді.
Әлеуметтік маңызы бар аурумен ауыратын (туберкулез, онкологиялық) 61 адамға 3349,1 мың теңге әлеуметтік көмек көрсетілді.
Ауылдық елдi мекендерде тұратын және жұмыс iстейтiн, 86 әлеуметтiк сала мамандарына отын сатып алу бойынша 258,0 мың теңге әлеуметтiк көмек төленді.
Әлеуметтік маңызы бар тауарларға баға өсуіне байланысты, 18 жасқа дейінгі балаларға арналған жәрдемақы алатын азқамтылған отбасыларына ай сайын 1 айлық есептік көрсеткіш көлемінде /2269 теңгеден/ төленіп, 2016 жыл бойы 357 отбасына 3170,7 мың теңгеге қосымша әлеуметтік көмек көрсетілді.
Жергілікті өкілетті органдардың шешімдеріне сәйкес, белгіленген тәртіппен басқалай әлеуметтік қолдау шаралары 423 жекеленген санаттағы азаматтарға 6602,0 мың теңгеге әлеуметтік көмек көрсетілді.
Аз қамтылған отбасыларының әлеуметтік белсенділігін арттыру бағытында «Өрлеу» бағдарламасы шеңберінде аудан бойынша 2017 жылға 46 отбасыға 7613,0 мың теңге (2613,0 РБ, 5000,0 МБ) шартты ақшалай көмек көрсету жоспарланды.
Жүргізілген жұмыстардың нәтижесінде 2017 жылдың 1 тоқсанында ауданның 8 отбасына заңнамалық тәртіппен 307,4 мың теңге шартты ақшалай көмек тағайындалды. Сәуір айында төлем жүргізіледі. Талапқа сәйкес, аталған отбасыларға әлеуметтік келісім шарт жасалды. Осы көмекті алған 8 отбасында 35 адам бар, олардың ішінде 21-і балалар, 3-уы бала күтімінде отырған аналар, 11-і жұмысқа жарамды адамдар, барлығы жұмыссыз. Жұмыссыз 11 адаммен жүргізілген жұмыстар нәтижесінде, 3 әлеуметтік жұмыстарға орналастырылды, 6 адам ақылы қоғамдық жұмыстармен қамтылды, 2 адам сәуір айынан бастап, кезекке сәйкес, жұмыспен қамтылады.
3.Мүгедектерді әлеуметтік қорғау туралы.
Мәртөк ауданы бойынша 2017 жылдың 1 тоқсанында барлық санаттар бойынша мүгедектердің саны 881 адамды құрады, оның ішінде бірінші топ – 87, екінші топ – 364, үшінші топ бойынша – 338, 16 жасқа дейінгі мүгедек-балалар – 92 адам.
2017 жылдың 1 сәуіріне:
-«Ақбөбек» және басқа республикалық оңалту орталықтарына мүмкіндігі шектеулі 8 бала жіберілген.
-10 үйде оқытылатын мүгедек-балаға оқу құралдарын сатып алу және басқа шығындарын өтеуге 72,3 мың теңге сомасында (ай сайын 1 АЕК көлемінде, 2016 жылы 2269 теңге) әлеуметтік төлем көрсетілді.
- көмекші, протездік-ортопедиялық көмекпен, сурдо, тифлотехникалық құралдармен 4 мүгедек қамтамасыз етілді.
- гигиеналық құралдармен 1 мүгедек қамтамасыз етілді.
- мүгедектерді жеке оңалту бағдарламасына сәйкес, 6 адам белгіленген квота бойынша жұмыстармен қамтылды.
-3 әлеуметтік қызметкерлер 14 мүмкіндігі шектеулі балаларға үйде әлеуметтік қызмет көрсетеді.
Аудан бойынша есепті жылы 23 әлеуметтік қызметкерлер 131 жалғыз басты қарттарға, оның ішінде 8 мүгедек адамдарға үйде әлеуметтік көмек көрсетеді.
Сонымен қатар, 2017 жылдың 2 тоқсанында халықты әлеуметтік қорғау саласында жартылай стационарлық жағдайда 10 мүгедек балаларға және үйде қызмет көрсету жағдайында, 50 егде жасына байланысты өзіне қызмет көрсетуге мүмкіндігі жоқ адамдарға, мемлекеттік әлеуметтік тапсырыспен көзделген, арнаулы әлеуметтік қызмет көрсету үшін жартылай стационар ашу және аудан мүгедектерін «Инватакси» қөлік қызметімен қамтамасыз ету жоспарлануда.
Мүгедектерді көліктік, рекрациялық объектілерге қол жеткізуді қамтамасыз ету мақсатында, 2017 жылда 37 нысанға бейімдеу жұмысы жоспарланды, оның ішінде 3 мәдениет саласының, 6 мемлекеттік басқару, 26 білім беру және 2 әлеуметтік саласындағы мекемесінің нысандары. 3 тоқсанында аудан бойынша бейімдеу жұмыстары толығымен аяқталатыны күтулуде.
4. Бизнестің әлеуметтік жауапкершілігі және әлеуметтік серіктестік.
Мәртөк ауданы бойынша өңірлер әкімдері және кәсіпорындар басшылары арасында еңбек құқықтарын тұрақтандыру және жұмысшылар кепілдемесі мәселелері бойынша өзара әрекеттесу туралы 97 меморандумға қол қойылған, оның ішінде 1 ірі, 2 орта және 94 кіші кәсіпорындар. Меморандумдардың орындалуы селолық округ әкімдері тарапынан бақылануда.
Мәртөк аудандық жұмыспен
қамту және әлеуметтік
бағдарламалар бөлімінің басшысы
Г.Алматбаева