Жаңалықтар

17.11.2016
Аудандағы әлеуметтік мәселелер шешіліп, тегін медициналық көмек көрсетілді

Елбасының бастамасымен «Халықты қауіпсіздікпен қамтамасыз ету» жобасы аясында «Әлеуметтік мәселелерді шешу» бағыты бойынша ауданда облыстық топ болып, бейсенбі-жұма күндері Мәртөк, Сарыжар ауылдарында қабылдау жүргізіп, аз қамтылған отбасыларды, мүмкіндігі шектеулі тұрғындардың үйлерін аралады. Сұрақтарына жауап беріп, мазалап жүрген мәселелер төңірегінде түсіндіру жұмыстарын жүргізді.
17.11.2016
Қазақтың қос абызы Мәртөк жерінде болды

Өткен сенбіде Мәртөк жеріне Қазақстанның еңбек сіңірген қайраткерлері, айтыс жанашыры, ақын Жүрсін Ерман мен атақты актер, ел ағасы Асанәлі Әшімов келіп, жергілікті халықпен кездесу кешін өткізді. Қадірлі қонақтарды кең пейілді мәртөктіктер ас-суымен ылайықты қарсы алды. мәдениет үйіне жиналған өнерсүйер жұртшылықтың қарасы көп болды. Кеште ақынның ғибратты ғұмыры мен шығар­машылығынан бір үзік сыр шертетін деректі фильм көр­сетілді. Кешті Қ.Медетов атындағы өнер мектебі айтыс класының ұстазы, айтыскер ақын Марат Ахметов жүргізді. Абыздарды ардақтап, ақжолтай тілегін арнаған аудан әкімі Нұржауған Қалауов Жүрсін Ерман ағамызды мерейлі 65 жасымен құттықтады.
17.11.2016
Бесінші бағыт – ақпараттық топ Тәуелсіздік тұғырын бекіте түсті

Дүйсенбі күні облыстық ведомствоаралық 5 бағыт бойынша жұмыс ақпарат тобының мүшелері ауданға келіп, Достық үйінде өз істерін бастап кетті. Бір күнде үш ауылды, яғни Мәртөк, Жайсаң, Қаратоғай елді мекендерінде болып, халықпен кездесті. Жиынды ашқан аудан әкімінің орынбасары Нұрбақыт Барбосынов мамандарды таныстырып өтіп, олардың жұмысына сәттілік тіледі. Алғы сөзді алған топ басшысы, облыстық ішкі саясат басқармасының бас маманы Еркеназ Мырзаханова ақпараттық жұмыс тобының алға қойған міндеттеріне, белгіленген мақсаттары мен бағыттарына кеңінен тоқталды.
10.11.2016
Әлеуметтік қызметкерлер Тәуелсіздікті жырлады

Тарихымызда алтын әріппен жазылып қалатын үлкен мерей той қарсаңында аудандық мекемелер өздерінің тартуын жасап, өнер бәйгесінде бақтарын сынауда. Өткен жұмада осындай төл мерекемізді төрлете түскен аудандық жұмыспен қамту және әлеуметтік бағдарламалар бөлімі, жұмыспен қамту оталығы, үйде көмек көрсету бөлімшесі қызметкерлерінің концерті тамашаланды.
10.11.2016
Гимназия күні президент сайлауы өтті

Биыл алғаш рет №2 Мәртөк мектеп-гимназиясының күні аталды. Аталған білім ошағында осы айтулы мерекеге орай мектеп Президентінің сайлауы ұйымдастырылып, ұйымшылдықпен өткізілді. Оқушылар Парламенті Президенттігіне үміткерлер сайлау алды өз бағдарламаларын ұсынып, өз еріктерімен 9 класс оқушылары Әсем Тныштыкова, Бекарыс Амантай, Шынар Реймова, 10 класс оқушыларынан Аманжол Умирзаков, Бауыржан Файзуллаев сайлауға қатысты.
10.11.2016
Жайдарманшылар жемқорлыққа қарсы

Қарашаның 4-і күні Қазақстан Республикасының Тәуелсіздігіне 25 жыл толуына орай «Болашақ-М» қоғамдық бірлестігі мен аудандық жастар ресурстық орталығының ұйымдастыруымен әлеуметтік маңызы бар жобалар негізінде тұрғындардың сыбайлас жемқорлыққа қарсы көзқарасын қалыптастыру бағытында жастар арасында «Жемқорлыққа жол жоқ» тақырыппен аудандық жайдарлы жайдарман ойындары өтті. Ойынға қатысушы командалар үш кезеңде сайысты. Сәлемдесу, сұрақ-жауап және үй тапсырмасы, яғни әуенді көрініс көрсетті. барлығы 6 команда келіп өз бабы мен бақтарын сынады.
10.11.2016
Барлығы да рахмет үшін

Өткен бейсенбіде аудан орталығында Тәуелсіздіктің 25 жылдығына орай, «Жақыныңа көмектес» аясында «Алғыс» атауымен ақысыз әлеуметтік дүкен ашылды. Аталған дүкенге мұқтаж жандар келіп, өздеріне қажетті заттарды тегін алуына болады. Дүкен сөрелері жергілікті тұрғындардың, жеке кәсіпкерлердің қолдауымен, қайтарымсыз беретін тауарларының есебінен толығып отырады. Қайырымды жандар осы жерге келіп артылған киім-кешектерін өткізеді.
02.11.2016
Қазақстандықтар перзентханаларда баланың туылуына байланысты қызметті алуға бір ай ішінде 34 мыңнан астам өтініш берген

Оның 19 мыңнан астамы баланың туылуын тіркеуге, 4 мыңнан астамы бала тууға және оның күтімі бойынша жәрдемақы тағайындауға, 1584 өтініш бала бір жасқа толғанға дейін оның күтіміне байланысты табысынан айырылған жағдайда төленетін әлеуметтiк төлемді тағайындауға және 9 мыңнан астам өтініш балабақша кезегіне тұруға берілген.
01.11.2016
Родниковта өткен дүбірлі той

Қазақстан деген қара шаңырақтың Тәуелсіз ел атанғанына 25 жылдығы қарсаңында өткен аптада Родников елді мекенінде өткен дүбірлі тойдың куәсі болдық. Қуанышты күні аталған елді мекенде 1980 жылы өз жұмысын бастаған ауылдық Мәдениет үйі іші-сырты жаңарып, күрделі жөндеуден соң, заманауи үлгіде қайта ашылды. Таңертеңгісін ертемен әсерлі музыка ойнаған ауыл клубына ағылған жұртшылық мәдениет ошағында кеш батқанға дейін аудандық жұмыспен қамту орталығы басшысының қабылдауында болып, белбеу күрестен аудандық жарысты және Ақтөбе облыстық филармониясы өнерпаздарының концертін тамашалады.
27.10.2016
Аудан басшылығы ішкі жұмыстарды бақылауға алды

Өткен жұмада аудан әкімі Нұржауған Қалауов, аудандық қоғамдық кеңестің төрағасы Амантай Смағұлов ауыл шетіндегі жаңадан іске кірісіп жатқан шаруа қожалығында болып, жұмыс барысымен, жалпы жоспарымен танысты.
27.10.2016
13000-нан астам салымшы БЖЗҚ-ның «Мобильдік кеңсе» қызметін пайдаланды

БЖЗҚ әрбір салымшының қамын ойлап, көрсетілетін қызметтердің сапасын жақсартуға және ақпарат берудің қосымша ыңғайлы жолдарын жасауға күш салуда. БЖЗҚ-ның салымшылармен қарым-қатынас орнату тәсілдерінің бірі – салымшыларға (алушыларға) барып қызмет көрсететін «Мобильдік кеңсе». Жобаның негізгі мақсаты – халықтың әлеуметтік жағынан осал топтарын қолдау, мүгедек адамдарға ақпараттық-кеңес бере отырып, көмек көрсету, сондай-ақ салымшыларға (алушыларға) зейнетақы қызметтерін БЖЗҚ кеңселерінен тыс жерлерде де барынша сапалы көрсету.
26.10.2016
2016 жылғы 1 қазандағы жағдай бойынша «БЖЗҚ» АҚ ағымдағы көрсеткіштері

Алматы, Қазақстан – 2016 жылғы 1 қазандағы жағдай бойынша зейнетақы жинақтарының жалпы сомасы шамамен 6,5 трлн. теңгені құрады. 2016 жылдың басынан бері зейнетақы жинақтары 668 млрд.теңгеге немесе 11,5% артты. 2016 жылдың 9 айында түскен зейнетақы жарналарының сомасы 510 млрд. теңгені құрады. Бұл ретте, 2016 жылдың 1 қаңтарынан бастап әскери қызметшілер мен әлеуетті құрылымдар қызметкерлерінің пайдасына 2016 жылғы 1 қаңтарға дейін бюджет қаражаты есебінен аударылған міндетті зейнетақы жарналары сомасының 50 пайызын қайтару жүзеге асырылуда. Осылайша, 2016 жылдың тоғыз айында мұндай қайтарулардың жалпы сомасы 145,7 млрд.теңгені құрады.
25.10.2016
БЖЗҚ туралы 5 сауал

БЖЗҚ-дан төленетін зейнетақы төлемдерінің мөлшері БЖЗҚ-ға уақытылы аударылған зейнетақы жарналарының көлеміне, жиілігіне, ұзақтығына және толықтығына тікелей байланысты. Осыған орай БЖЗҚ салымшыларға БЖЗҚ-ға міндетті зейнетақы жарналарын, міндетті кәсіптік зейнетақы жарналарын төлеу бойынша агенттер аударымдарының уақытылы және толық болуын тұрақты түрде өз бетінше бақылауға кеңес береді. Зейнетақы жинақтарыңызды кез келген БЖЗҚ бөлімшесіне барып не интернет-хабарландыруды таңдап тексере аласыз.
20.10.2016
Сыр елі Мәртөктің өнімін мақтады

Өткен аптада Қызылорда қаласында Ақтөбе облысының күндері өтті. Мәдени шаралар мен қатар қызылордалықтар біздің өңірдің өнімдерінің дәмін татты. Сенбі күні Тағзым алаңында ұйымдастырылған Ақтөбе облысының ауыл шаруашылығы жәрмеңкесіне Мәртөк жерінің ауылшаруашылық тауарлары да ұсынылды. Жалпы облыстан 120-дан астам ауыл шаруашылығы тауар өндірушілер мен кәсіпорындар қатысса, оның ішінде біздің ауданнан шаруа қожалықтары атсалысты.
20.10.2016
Тәуелсіздік – тұғырымыз, қайырымдылық міндетіміз

Өрелі өнерімен жарасқан, қазақы салтыменен санасқан, халық шығармашылығының қайнар бұлағы болған Халықтық «Илигай» әжелер ансамблі өткен сенбі күні Кеңсахара ауылында болып, қайырымдылық концертін берді. Өнер иелерінің басты мақсаты, ауыл жұртына Тәуелсіздіктің 25 жылдығына арналған өнерден шашу шашып, биыл ашылған отбасылық үлгідегі балалар үйінің тәрбиеленушілеріне қайырымдылық көмек көрсету. Ауданның мәдени-рухани өмірінде алар орны бөлек ансамбль әжелері балалар үйіндегі 10 балаға қамқорлық көрсетпек оймен арнайы дайындалған концерттік бағдарламасы барысында ауыз әдебиетінің ежелгі үлгілері мен қазіргі ән­дерді, айшықты үрдіс­терімізді шебер ұштастыра білді.

Беттер