Жаңалықтар

22.08.2013
Жас мамандарға жолашар лебіз айтылды

Жаз аяғына таяп, жаңа оқу жылы да басталмақ. Биыл «Жұмыспен қамту 2020» бағдарламасы аясында бірқатар білім ошақтары жаңарып, ұстаздар мен оқушыларын тосуда. Бір кездері мектеп табалдырығына оқушы ретінде қадам жасаған ұл-қыздар бүгін сол білім ордасына мұғалім болып алғашқы еңбек жолын бастауға келген жас мамандар аудан әкімі Мәди Елеусізовпен кездесті. 20-ға жуық мамандардың ішінде қазақ тілі мен әдебиет, тарих, педагог-психолог, дефектолог, биология, химия, физика, ағылшын тілі, бастауыш сынып, дене шынықтыру мамандықтарын игергендер. Өзге аудандардан келгендер де аз емес. «Дипломмен ауылға» бағдарламасы аясында жұмысқа орналасып, қолдауды қажет ететін жастардың аудан әкімімен жүздесуінде жүректері лүпілдеген, уылжыған жас мамандарды жеке-жеке таныстырып өткен соң Мәди Қанатбайұлы жастарға деген жолашар лебізін білдірді.
22.08.2013
Жаңа оқу жылына жаңа міндеттер

Өткен аптада аудандық білім беру саласы қызметкерлерінің дәстүрлі тамыз конференциясы өтті. Биылғы мұғалімдердің бас жиыны «Сапалы білім мен тәрбие беру – Қазақстанның мемлекеттік саясатының басымдығы» тақырыбын арқау етті. Кеңесте аудан педагогтары атқарылған істерді таразылап, болашақтың міндеттерін айқындады. Мәжіліске аудан әкімінің орынбасары Бұлбұл Күзембаева, аудандық білім бөлімінің басшысы Асқар Қилыбаев және білім беру саласының қызметкерлері қатысты. Білім беру қызметкерлерінің тамыз педагогикалық кеңесі аясында әдістемелік және «Балалықтың шоқ жұлдыздары» қолөнер және гүлдер көрмесі ұйымдастырылып, келушілердің назарына ұсынылды. Кеңесті аудандық білім бөлімінің басшысы кеңестің негізгі тақырыбы аясында баяндама жасады.
15.08.2013
Шекарашыларға пәтер кілттері табысталды

Елбасы Н.Назарбаевтың 1992 жылғы 18 тамызындағы жарлығымен Қазақстан Республикасы аумағында орналастырылған КСРО мемлекеттік қауіпсіздік комитетінің шығыс шекара округі құрылымдарының негізінде ҚР шекара әскері құрылған ды. Өткен жылдың 27 шілдесінде Қазақстан Республикасының «Батыс» аймақтық «Жайсаң 2030» бөлімі ашылған болатын. Ал биыл жаңадан бой көтерген комендатура қолданысқа берілді. Өткен сенбіде Жайсаң елді мекеніндегі комендатураны Қазақстан Республикасы Ұлттық Қауіпсіздік Комитеті төрағасының орынбасары, генерал-лейтенант Нұрлан Жоламанов келіп, салтанатты түрде ашты. Әскери қызметкерлерді құттықтап, пәтер кілтін табыстаған генерал-лейтенант, ғимараттың лентасын қию рәсімін өткізді. Рәсімге аудан әкімі Мәди Елеусізов пен аудан әкімінің орынбасарлары қатысты.
08.08.2013
Ауыл әкімдері сайланды

Қазақстан Республикасы Президентінің 2013 жылғы 24 сәуірдегі №555 Жарлығы негізінде, аудандық маңызы бар қалалары, ауылдық округтері, ауылдары әкімдерін қызметке сайлау, өкілеттілігін тоқтату және қызметтен босату қағидаларының 20 бабына сәйкес ауыл әкімдерін мәслихаттар арқылы сайлау шешімі қабылданды, соған байланысты елде сайлаулар басталып кетті. «Жергілікті өзін-өзі басқару туралы» заң жүзеге асты деуге әбден болады.
08.08.2013
Жастар қолдауды қажет етеді

Жастар саясатын жүзеге асырушы аудандық «Болашақ М» қоғамдық бірлестігі мен аудандық ішкі саясат бөлімі ауыл жастарымен кездесулерін жалғастыруда. Өткен аптада Аққұдық ауылдық округінде болып қайтты.
01.08.2013
Меморандум аясында

Үстіміздегі жылдың шілде айының 11-де РМК ХҚКО, еңбекпен қамту басқармасы және Ақтөбе облысы мүгедектер ұйым одағымен бірлесіп, үш жақты меморандум негізінде «Мүмкіндіктерді нығайту» атты бағдарлама бастау алды. Бағдарламаның басты мақсаты мүмкіндігі шектеулі адамдардың өмір сүру сапасын арттыру болып табылады. Меморандум қатысушылары өз құзыретінде әр түрлі санаттағы мүгедек тұлғаларға еш кедергісіз мемлекеттік қызметтерді қолжетімді ету, қызметтер туралы кеңестер беру және ақпараттандыруды қамтамасыз етуге міндетті.
01.08.2013
Кітап - сарқылмас рухани қазына

«Кітап – алтын сандық», «Кітап – білім бұлағы, білім - өмір шырағы» деген даналарымыздың сөздері бекекр айтылмаса керек. Өйткені адамзат тарихының өзі кітап. Адам баласы жабырқаған сәтте де жанына медетті осы кітап беттерінен іздейді емес пе? Ал бүгінгі заманауи озық технология заманында өсіп келетін жас ұрпақтың кітап қасиетіне үңіле бермейтіні жасырын емес. Елбасы Н.Ә.Назарбаев «ХХІ ғасыр – мәдениеттің, ғылым мен білімнің ғасыры. Бар білімнің қайнар көзі - кітапта» деген болатын. Осы орайда жастардың кітап оқуға деген қызығушылықтарын арттыру, оның рухани құндылықтарын ұғындыру және тілдік қорын дамыту мақсатында шілденің 26-сы күні аудандық Достық үйінде «Кітап – сарқылмас рухани қазына» атты аудандық байқау өтті. Аудандық орталықтандырылған кітапхана жүйесі және «Контакт» зерттеулер мен жобалар орталығы» қоғамдық бірлестігінің Астананың 15 жылдығына және қазақ ақын-жазушыларының шығармаларына арналып ұйымдастырылды. Көнбіс ұстаз әрі өмірлік досын өзге жастарға насихаттауға Саржансай ауылының «Қалам», хлебодарлық «Кітап – ақылшым, Астана - мақтанышым», №4 Мәртөк орта мектебінен «Шаң басқан архивтер», аудан орталығынан студенттерден құрылған «Насихат» атты топтар атсалысты. Байқаудың шарттарына, талаптарына сай өтуін, қатысушы топтардың біліктілігі мен актерлік шеберліктерін облыстық жастар саясаты мәселелері басқармасының басшысы Гүлнар Мақатова, аудандық ішкі саясат бөлімінің басшысы Дархан Тлеуов, аудандық білім бөлімінің әдіскері Мұрат Шикалов және аудандық «Мәртөк тынысы» газетінің тілшісі Аманат Қалпиева қадағалап, әділ қазылар алқасында төрелік етті.
01.08.2013
Насихат тобы жастармен кездесті

Елбасының 2012 жылы 14 желтоқсандағы «Қазақстан-2050» стратегиясы қалыптасқан мемлекеттің жаңа саяси бағыты» атты Қазақстан халқына Жолдауында болашақта еліміздің тұтқасын ұстар жастарға ерекше көңіл бөлінген болатын. Сол үндеуден соң жастар саясатын дамытуды қолға алған мемлекетімізде жастар ісі жөніндегі комитет құрылып, облыс орталықтарында жастар саясаты басқармалары мен аудан орталықтарында ішкі саясат жанынан Жастар қоғамдық бірлестіктері құрылды. Ауданымызда «Болашақ М» қоғамдық бірлестігі бастаған «Ауыл жастары» жобасы аясындағы ел ертеңінің ескегін есер ауыл жастарымен кездесулер ай ортасынан басталып кеткен болатын. Шілденің 25 күні аудан әкімінің орынбасары Б. Күзембаева бастаған насихат тобы Хлебодар жастарымен жүздесті.
25.07.2013
Жер тарихы – ел тарихы

Отансүйгіштік сана-сезімді тәрбилеуде Қазақстан тарихының алатын орны ерекше. Тарих ғылымының тыңғылықты зерттелуі қоғамымыздың дамуына сүбелі үлес қосары сөзсіз. Сондықтан да, мемлекет тарапынан өткеніміз бен бүгінімізді мұқият саралау үшін салмақты қадамдар жасалуда.Н.Назарбаев «Қазақстан-2050» стратегиясы қалыптасқан мемлекеттің жаңа саяси бағыты» атты Қазақстан халқына Жолдауында «Біз ұлттың тарихи санасын қалыптастыру жұмысын жалғастыруымыз керек» деген болатын. Елбасы «Тарих толқынындағы халық» атты тарихи зерттеулердің арнаулы бағдарламасын жасауды ұсынды. Осының нәтижесінде Қазақстан республикасының мемлекеттік хатшысы, Марат Тәжиннің ұлттық тарихты зерделеу жөнінде өткен кеңейтілген отырысындағы «Нағыз ұлттық қадір-қасиет тарихтан басталады» деген сөздері жаппай қолдауға ие болған ды. Осы орайда «Мәдени мұра» бағдарламасын басшылыққа ала отырып, өлке тарихын, елді мекендердің ескі атауларын, тарихын және сол кезеңде өлкеге танымал болған тұлғаларды зерделеп, тану мақсатында «Асыл мұра қазынамыз, сақтап, қорғау басты парыз» деген ұранмен өткен бейсенбіде аудандық тарихи-өлкетану мұражайы бастаған топ экспедицияға жол тартты.
25.07.2013
Мемлекеттік қызметке түсу жолдары түсіндірілді

Шілденің 19 күні аудан әкімдігі ғимаратында аудан әкімінің орынбасары Бұлбұл Күзембаева жастармен кездесу өткізді. Кездесуге сондай-ақ, аудандық жұмыспен қамту және әлеуметтік бағдарламалар бөлімінің Гүлзада Алматбаева мен аудандық бюджеттік жоспарлау және кәсіпкерлік бөлімі басшысының орынбасары Нина Роленко қатысты. Басты мақсат қолдарында дипломы бар жас мамандарға мемлекеттік қызметке түсудің амал-шарттарын түсіндіру еді.
11.07.2013
Астананың туған күніне арналды

Таңғажайып кең байтақ жеріміздің кіндігінде аз жылдар ішінде бой көтеріп, әсемдігімен жан-жағына шуағын шашқан Елордамыз Астананың туған күні мерекесі аудан орталығында да аталып өтті. Шілденің 5-і күні Достық Үйінің алаңына жиналған жергілікті жұртшылық назарына «Жаса, жайна ару қалам - Астана» атты кеш ұсынылды. Астана – еліміздің мерейін үстем еткен, әлем назарын өзіне аударған Сарыарқаның төсінде, Есіл өзенінің жағасында жайғасқан алып шаһар. Алғаш боп тарих көшін бастаған Елбасы Н.Ә.Назарбаевтың тынымсыз еңбегінің арқасында тамаша тұрғын үй кешендері, еңселі ғимараттары, әсем монументтері мен сәулет ескерткіштері салынып, көз алдымызда өзінің керемет сымбатымен ќұлпыра түсуде.
11.07.2013
Отаным – Отбасым облыстық фестивалі өтті

«Отбасында адам бойындағы асыл қасиеттер жарқырай көрініп, қалыптасады. Отанға деген ыстық сезім – жақындарына, туған-туысқандарына деген сүйіспеншіліктен бастау алады. Отбасы – адам ғұмырының тірегі ғана емес, қоғамның басты негізі. Елдің, ұлттың, жалпы адамзаттың болашағы, даму деңгейі осы отбасынан бастау алады» деген Елбасының сөздерін арқау ете отырып, отбасындағы ерекше құндылықтарды үлгі ретінде өзгелерге көрсету әрбір шаңырақты мәдениетке, бірлікке баулу екені рас.
02.07.2013
Алты мәселе талқыға салынды

Өткен аптада Атқарушы билiк мүддесiн көздейтiн аудан әкiмдігі, қызметкерлердiң мүддесiн көздейтiн аудандық кәсiподақтар кеңесi және кәсiпкерлер мен жұмыс берушiлердiң мүдделерін көздейтiн «Мәртөк ауданының кәсiпкерлер мен жұмыс берушiлер одағы» қоғамдық бiрлестiгi тараптарының жұмыстарын ұйымдастыру бағытындағы үш жақты комиссия отырысы аудандық комиссияның тең төрағасы, «Мәртөк ауданының кәсіпкерлер мен жұмыс берушілер одағы» қоғамдық бiрлестiгінің президенті С. Садуановтың төрағалығымен өткізілді. Өңірлік деңгейде әлеуметтік әріптестік пен әлеуметтік және еңбек қатынастарын реттеу жөніндегі Мәртөк аудандық комиссия отырысына «Ақтөбе облысының кәсіпкерлер мен жұмыс берушілер одағы» қоғамдық бiрлестiгінің директоры А.Н.Марченко, Ақтөбе облысы әкімі аппаратының мемлекеттік-құқықтық жұмыстар бөлімінің меңгерушісі Р.Ш.Мажитов, Ақтөбе облысының жұмыспен қамтуды үйлестіру және әлеуметтік бағдарламалар басқарма басшысының орынбасары Д.А. Достанова қатысты.
27.06.2013
Сейіткали Жанғалиевке 100 жыл

Ақынның жаны тым нәзік ,
Бейне райхан гүліндей.
Ақынның сөзі жанға азық
Майдың шуақ күніндей, – деген өлең жолдарын жырлап өткен мәртөктік ақын , өлкетанушы Сейтқали Жанғалиев туғанына биыл 100 жыл.
27.06.2013
Қазақстанның полициясы төл мерекесін атап өтті

1992 жылы Қазақстан Республикасының тарихында алғаш рет «Ішкі істер органдары» туралы заң қабылданған болатын. Содан бері 23 маусым, Қазақстан полициясы күні ретінде атап өтіліп келеді. 21 жыл бойы полиция еліміздегі тыныштық пен тәуелсіздікті сақтау жолында талмай еңбек етуде. Осы саладағы қызметкерлердің қылмысты ашудағы тапқырлығы, оперативтік топтың қылмыскерлерді ұстаудағы бірлігі, полиция қызметкерлерінің тынымсыз өмірі әрқашан да бағалана береді. Бүгінгі таңда ішкі істер министірлігі-70 мыңға жуық қызметкері бар еліміздің ең ірі және көпқұрылымды мемлекеттік орган. Ішкі істер органдарының қызметкерлері тәулік бойы, табиғаттың кез- келген қолайсыздығына қарамастан құқықтық тәртіпті сақтап, азаматтарды құқыққа қарсы қол сұғынушылықтан қорғап келеді.

Беттер